Герман Улсад зохион байгуулагдаж байгаа хөл бөмбөгийн Европын аварга шалгаруулах тэмцээний шөвгийн 16-гийн хоёр онцлох тоглолт өнгөрсөн шөнө болж өндөрлөлөө.

                           Тухайлбал, хэсгийн шатанд тэргүүлсэн Франц, Португалийн шигшээ баг талбайдаа Бельги, Словенийн шигшээ багийг хүлээн авч тоглосон бөгөөд хаалга хуурай тэнцэж торгуул цохисон, ганц гоолын зөрүүгээр  тоглолт шийдэгдсэн өнгөрсөн шөнийн тоглолтоор хэсгээ тэргүүлэгчид тэмцээнээ цааш үргэлжлүүлж, шөвгийн наймд шалгарав.

                           Францын шигшээ талбайдаа Бельгийн шигшээ багийг хүлээн авч тоглосон тоглолтод хоёр баг нийлээд 24 удаа цохисон ч дөрөв нь хаалгаа оносон. Улмаар тоглолтын 85 дахь минутад Бельгийн шигшээ багийн хамгаалагч Ян Вертонгений өөрийн хаалгандаа оруулсан гоолоор Францын шигшээ баг 1:0-ээр ялалт байгуулав. Харин Португал, Словенийн шигшээ багийн тоглолт үндсэн болон нэмэлт цагт хуурай тэнцэж, торгуулийн цохилтоор шийдэгдсэн бөгөөд Португалийн хаалгач Диегу Кошта эсрэг багийн цохилтыг гурав дараалан хааснаар Португалийн шигшээ наймд шалгарсан юм.

Улмаар өнгөрсөн шөнө ялалт байгуулсан Франц, Португалийн шигшээ баг шөвгийн наймд таарч тоглохоор болсон бөгөөд тоглолт Улаанбаатарын цагаар энэ сарын 7-ны 03:00 цагаас эхэлнэ.