ОХУ-ын Хойд Кавказын Бүгд Найрамдах Дагестан Улсад өнгөрсөн амралтын өдөр болсон христийн шашны пентекостын баярын үеэр террорист халдлага гарсан. Тодруулбал, халдагчид Дербент, Махачкала хот дахь христийн сүм рүү дайрч, иргэд рүү гал нээж, сүмийг галдсан байдаг. Уг террорист халлагын улмаас 20 орчим цагдаагийн алба хаагч, сүмийн санваартан, хамгаалалтын ажилтнууд амиа алдсан.

Тэгвэл Дагестанд болсон уг халдлагатай холбоотойгоор ОХУ-ын талаас мэдээлэл гаргажээ. ОХУ-ын эрх баригчдын зүгээс сүм рүү дайрч, галдан шатааж, иргэд рүү гал нээсэн үйлдлийг шашны эсэргүүцэлтэй холбох бус Украины талаас оролцсон гэсэн тайлбар гаргаад байгаа бөгөөд Украин террорист халдлагад оролцсон байж болзошгүй шалгаж эхлээд байгаа гэнэ.