Бүгд Найрамдах Кени Улсын нийслэл Найроби хотод иргэд парламентын шинэ татварын саналыг эсэргүүцэн жагсаал зохион байгуулж байгаа. Тэгвэл өнгөрсөн шөнө эсэргүүцлийн жагсаал ширүүсэж, иргэд парламентын ордон руу дайрч орон ордон дотор гал тавьжээ. Улмаар эрх баригчид жагсагчдыг тараахын тулд цэргийн хүч ашигласан байна. Хүчнийхэн болон жагсагчдын дундах мөргөлдөөнд таван иргэн буудуулж амиа алдсан бол цагдаагийн нэг алба хаагч хүнд шархадсан гэнэ.

                            Нийслэл Найроби хотод болж буй үйл явдалтай холбоотойгоор Кенийн Ерөнхийлөгч Уильям Руто “Эсэргүүцлийн жагсаал хурцадмал түвшинд шилжихэд жагсагчдыг тараахын тулд цэргийн хүч ашиглахаас өөр арга байгаагүй. Жагсагчид өөрсдийгөө тайван жагсагчид хэмээн дүр эсгэсэн ард түмэн дундах гэмт хэрэгтнүүд байсан. Гэмт хэрэгтнүүдийн манай орны аюулгүй, тогтвортой байдлыг алдагдуулах гэсэн оролдлогыг таслан зогсоохын тулд бүх арга хэмжээг авна” хэмээн орон нутгийн телевизээр мэдэгдсэн байна.