Баруун Африкт оршдог Бүгд Найрамдах Чад Улсын нийслэл Н’Жамена хот дахь цэргийн зэвсгийн агуулах дэлбэрчээ. Тодруулбал, Н’Жамена хотын Гоуджи дүүрэг орших цэргийн баазад зэвсгийн агуулахад гал гарч дэлбэрсэн байна. Дэлбэрэлтийн улмаас 10 орчим хүн амиа алдаж, 40 гаруй хүн шархадсан талаар эрх баригчид мэдээлээд байгаа бөгөөд Засгийн газраас “Галын нөхцөл байдлыг хяналтдаа авсан” тухай мэдээлжээ.

Цэргийн зэвсгийн агуулахад болсон дэлбэрэлтийн улмаас гарсан утаа нийслэл Н’Жамена хотыг бүхэлд бүрхээд буй гэнэ. Одоогийн байдлаар гал гарах болсон шалтгаан тодорхойгүй бөгөөд Чадын Ерөнхийлөгч Махамат Деби Итно мөрдөн шалгах ажиллагаагаа зохион байгуулах үүрэг өгөөд байгаа юм байна.