NBA буюу Америкийн үндэсний сагсан бөмбөгийн холбооны аваргын төлөөх цувралын гурав дахь тоглолт өнөөдөр “Даллас Маверикс” багийн талбайд болж өндөрлөлөө. Гурав дахь тоглолтод “Бостон Селтикс” баг 106:99 онооны харьцаатай ялалт байгуулж, цувралыг 3:0 харьцаатайгаар тэргүүлж эхлэв.

                            Тоглолтод, “Бостон Селтикс” багийн тоглогч Жейлен Браун, Жэйсон Тэтум нарын хүчирхэг хослол нийт 61 оноо авсан бол хамгаалагч Деррик Уайт 16 оноо авч ялалтад чухал нөлөө үзүүлжээ. Харин “Даллас Маверикс” багийн хослол Лука Дончич, Кайри Өрвинг хамтдаа 62 оноо авч сайн тоглолт үзүүлсэн ч ялагдал хүлээсэн байна.

Аваргын төлөөх цувралын дөрөв дэх тоглолт Улаанбаатарын цагаар ирэх ням гарагт “Даллас Маверикс” багийн талбайд болно.