NBA буюу Америкийн үндэсний сагсан бөмбөгийн холбооны аваргын төлөөх цувралын хоёр дахь тоглолт өнөөдөр “Бостон Селтикс” багийн талбайд болж өндөрлөлөө. Хоёр дахь тоглолтод “Бостон Селтикс” баг 105:98 онооны харьцаатай ялалт байгуулж, цувралыг 2:0 харьцаатайгаар тэргүүлж эхлэв.

                              Тоглолтод, “Бостон Селтикс” багаас довтлогч Жейлен Браун 21 оноо авч, долоон оновчтой дамжуулалт өгч, холбон тоглогч Жури Холидей 26 оноо авч, 11 удаа самбараас бөмбөг авчээ. Харин “Даллас Маверикс” багийн лидер Лука Дончич 32 оноо, 11 удаа самбараас бөмбөг авч, 11 оновчтой дамжуулалт өгөн гурван аравт үзүүлж сайн тоглолт үзүүлсэн ч ялагдал хүлээсэн байна.

Аваргын төлөөх цувралын гурав дахь тоглолт Улаанбаатарын цагаар ирэх пүрэв гарагт “Даллас Маверикс” багийн талбайд болно.