NBA буюу Америкийн үндэсний сагсан бөмбөгийн холбооны аваргын төлөөх цувралын эхний тоглолт өнөөдөр “Бостон Селтикс” багийн талбайд болж өндөрлөлөө. Эхний тоглолтод “Бостон Селтикс” баг 107:89 онооны харьцаатай ялалт байгуулж, цувралыг тэргүүлж эхлэв.

                          Тоглолтод, “Бостон Селтикс” багаас бэртлээсээ дөнгөж эргэн ирээд байгаа төвийн тоглогч Кристапс Порзингис 20 оноо, зургаан самбараас бөмбөг авсан бол багийн бусад гарааны бүх тоглогч 10-аас дээш оноо авчээ. Харин “Даллас Маверикс” багийн лидер Лука Дончич 30 оноо, 10 удаа самбараас бөмбөг авч сайн тоглолт үзүүлсэн ч ялагдал хүлээсэн байна.

Аваргын төлөөх цувралын хоёр дахь тоглолт Улаанбаатарын цагаар ирэх даваа гарагт “Бостон Селтикс” багийн талбайд болно.