АНУ-ын Ерөнхийлөгч Жо Байден “CNN”-д өгсөн ярилцлагынхаа үеэр “ХАМАС”, Израилын дайнтай холбоотой асуудлаар байр сууриа илэрхийлжээ. Тэрбээр ярилцлагадаа “АНУ Изриалын аюулгүй байдлыг баталгаажуулах болно. Гэхдээ Израил Газын Рафах хот руу хуурай замаар томоохон ажиллаа явуулбал АНУ зарим зэвсгийн нийлүүлэлтээ зогсооно” хэмээн онцолсон байна. Олон улсын хэвлэлүүдийн мэдээлснээр Израилын арми Рафах руу дайрвал АНУ-аас Израилд нийлүүлж байгаа зэвсэг, их бууны сумны нийлүүлэлтээ зогсоож болзошгүй аж.

                                Ташрамд дурдахад, Палестины хэт даврагч “ХАМАС” бүлэглэл Газын зурвас гал зогсоох саналыг хүлээн зөвшөөрч байгаагаа мэдэгдсэн. Гэсэн ч Израилын Ерөнхий сайд Бенжамин Нетаньяху “ХАМАС”-ын хүлээн авах манай үндсэн шаардлагаас хол байна” хэмээн мэдэгдэж, хэлэлцээрийг үргэлжлүүлэх тухай мэдээлээд байгаа билээ.