Палестины хэт даврагч “ХАМАС” бүлэглэл болон Израилын дунд гал зогсоож, энхийн гэрээ байгуулах хэлэлцээр явагдаж байгаа тухай хөрш орнууд нь мэдэгдэж байв. Тэгвэл өнгөрсөн өдөр “ХАМАС” бүлэглэл Газын зурваст гал зогсоох, барьцааны хүмүүсийг солилцох хэлэлцээр байгуулах саналыг хүлээн авсан талаар Катар, Египетийн төлөөгөгчид мэдээлжээ. Гэсэн ч Израилын Ерөнхий сайд Бенжамин Нетаньяху “ХАМАС”-ын хүлээн зөвшөөрч байгаа санал нь Израилын үндсэн шаардлагаас хол байна” хэмээн мэдэгдэж, хэлэлцээг дахин үргэлжлүүлэх тухай онцолсон байна.

                              Эргэн сануулахад, өнгөрсөн 2023 оны аравдугаар сарын 7-нд Палестины хэт даврагч “ХАМАС” бүлэглэл Израилын хотууд руу агаар, газар, усан замаар зэрэг цохилт өгч, иргэдийн барьцаалсан байдаг. Улмаар “ХАМАС”-ын гэнэтийн дайралттай холбоотойгоор Израилын Ерөнхий сайд Бенжамин Нетаньяху тус бүлэглэлийг дайн зарласан хэмээн үзэж Газын зурвас руу цэргээ оруулснаас хойш өнөөг хүртэл долоон сарын турш мөргөлдөж байгаа юм.