АНУ-ын Төлөөлөгчдийн танхим удаан хугацааны турш хойшлогдоод байсан Украинд 61 тэрбум ам.долларын цэргийн тусламж үзүүлэх асуудлаар санал хурааж эхэлжээ. Тэгвэл үүнтэй холбоотойгоор Украины Ерөнхийлөгч Володимир Зеленский ОХУ-ын эсрэг тэмцэлд барууныхан Украиныг орхихгүй байгаад талархал илэрхийлж, цэргийн тусламжийн багцыг уриалж Америкийн хэвлэлээр мэдэгдэл хийсэн байна.

                                Ерөнхийлөгч Володимир Зеленский мэдэгдэлдээ “АНУ Украиныг хоёр дахь Афганистан болгохгүй гэдгээ харууллаа. Манай орон Оросын армиас удахгүй ирэх томоохон довтолгооноос сэргийлж, улс даяар хамгаалалтаа бэхжүүлж байгаа. Хэрэв энэ үед АНУ-ын Төлөөлөгчдийн танхим тусламжийн багцыг яаралтай баталж чадвал Украин ОХУ-ын эсрэг тэмцэхэд маш том тус болно” хэмээн ярьсан аж.

Ташрамд дурдахад, долоо хоногийн өмнө Ираны тал Израилын хотууд руу халдсантай холбоотойгоор Америк дахь бүгд найрамдахчуудын эсэргүүцэл буурч байгаа бөгөөд Төлөөлөгчдийн танхим болон барууны олон улстөрч Израил, Украин дэмжлэг үзүүлэх шаардлагатай гэж мэдэгдээд байгаа юм байна.