Олон нийтийн газар эхнэрээ хүчирхийлж, хэрцгийгээр зодож амийг нь хөнөөсөн хэрэгт буруутгагдаж буй Казахстан Улсын Эдийн засгийн сайд асан Куандык Бишимбаевт прокуророос 20 жилийн хорих ял төлөвлөөд буй талаар “Reuters” агентлаг мэдээлжээ.

                 Тухайлбал, Казахстаны Эдийн засгийн сайд асан Куандик Бишимбаевын эхнэр 31 настай Салтанат Нукенова өнгөрсөн 2023 оны арваннэгдүгээр сард нөхрийнхөө ойрын төрлийн ресторанаас нас барсан байдалтай олдсон. Хохирогчийг олоход хэдийнэ амьсгал хураасн байсан бөгөөд талийгаачийн бие, нүүрэн дээр олон тооны хөхрөлт, няцралт байжээ. Улмаар Салтанат Нукенова амиа алдсан хэрэгт түүний нөхөр Куандик Бишимбаевыг буруутган сэжигтнээр татсан байдаг. Тэгвэл эхнэрээ хүчирхийлж, амийг нь хөнөөсөн байж болзошгүй хэрэгт буруутгагдаад буй Казахстаны Эдийн засгийн сайд асан Куандык Бишимбаевт холбогдох шүүх хурал болжээ. Шүүх хурлын үеэр хэргийн газрын хяналтын камерын бичлэгүүдийг үзүүлсэн бөгөөд дүрс бичлэгт Куандык Бишимбаев нь эхнэр Салтанат Нукеноваг удаа дараа цохиж, өшиглөн, үснээс нь чирч байгааг харуулсан байна.

Шүүх шинжилгээгээр талийгаач Салтанат Нукенова тархины гэмтлийн улмаас амиа алдсан болохыг эцсийн байдлаар тогтоогоод байгаа бөгөөд К.Бишимбаевт холбогдох шүүх хурал хойшлоод байгаа ч прокуророос 20 жилийн хорих ял төлөвлөөд байгаа аж.

                 Ташрамд дурдахад, эхнэрээ хөнөөсөн хэргээр 20 жилийн ял сонсох дээрээ тулаад буй Казахстаны Засгийн газрын сайд асан Куандык Бишимбаев өмнө нь 2017 онд авлига, хээл хахуулийн хэргээр баривчлагдаж, 10 жилийн хорих ял сонссон ч өршөөлд хамрагдаж, суллагдсан нэгэн юм байна.