Израилын тал Газын зурвасын өмнөд хэсгээс цэргүүдээ эгүүлэн татаад буй талаар бид өмнө нь мэдээлсэн. Тэгвэл Израилын цэргүүдийн Газын зурвас дахь хяналт суларсантай холбогдуулан хийсэн шалгалтаар Аль-Шифа эмнэлгээс 400 орчим цогцос олдсон байна.

                     Тодруулбал, Газын зурвасын Аль-Шифа эмнэлэг нь 14 хоногийн турш Израилын цэргүүдийн бүслэлтэд байжээ. Орон нутгийн эх сурвалж цэргүүд эмнэлгийн бүслэлтэд байхдаа энгийн иргэдийг хөнөөж, булж орхисон талаар мэдээлсэн бөгөөд одоогийн байдлаар 381 цогцос олдоод байгаа аж. Түүнчлэн Аль-Шифа эмнэлгийг тойрон цогцоснууд булсан, заримыг нь танк, хуягтаар дайран гарсан байж болзошгүй байгаа нь цогцос тогтоох ажиллагаа удаашрах шалтгаан болж байна гэж “CNN” агентлаг мэдээлжээ.