Нар, сар, дэлхий гурав нэг шугамд байрлах ховор үзэгдэл буюу нар хиртэлт өнөөдөр тохиох талаар НАСА-гаас мэдээлжээ. Тодруулбал, өнөөдөр буюу дөрөвдүгээр сарын 8-ны өдөр нар бүтэх хиртэх бөгөөд хиртэлтийн гол зурвас АНУ, Канад, Мексикийг дайран өнгөрөх юм байна. Хиртэлт Номхон далайгаас эхэлж, Пенрин аралд хамгийн эхэнд үзэгдэх гэнэ. Улмаар нарыг бүрхсэн сарны сүүдэр далай дээгүүр өнгөрөхөд орон нутгийн цагаар 11:07 цагт Мексикийн эрэгт, 11:27 цагт АНУ-ын хилээр өнгөрч, цагийн дараа гэхэд хиртэлтийн гол зурвас Хойд Америкийг бүхэлд нь бүрхэх аж. Харин Хойд Америкийг дайран өнгөрөх уг нар хиртэлтээс хойш 2026 он хүртэл нар бүтэн хиртэхгүй талаар НАСА-гаас мэдээлсэн байна.

Сонирхуулахад, нар, сар, дэлхий гурав нэг шугамд байрлахыг нар хиртэлт, дэлхий дунд нь байрлаж, сүүдэр нь саран дээр тусахыг сар хиртэлт гэдэг. Нар хиртэлт дээд талдаа 4-7 минут үргэлжилдэг бөгөөд нар хиртэх үзэгдлийг зориулалтын эсвэл бараан шил, тусгай төхөөрөмжөөр харахгүй бол хүний нүдний хараа муудах эрсдэлтэй аж.