Мозамбикийн хойд эргийн ойролцоо усан онгоц осолдсоны улмаас 100 орчим хүн амиа алджээ. Тухайлбал, Мозамбикийн хойд эргээс Нампула муж руу хөдөлсөн загас агнуурын онгоц нь даац хэтрүүлж 130 гаруй зорчигчтой хөдөлсөн бөгөөд холбогдох байгууллагынхан онгоц даац хэтрүүлсний улмаас эвдэрч, живсэн байж болзошгүй гэж урьдчилсан байдлаар тогтоогоод байгаа аж. Мөн амиа алдсан 100 орчим хүний дийлэнх нь бага насны хүүхэд байгаа бөгөөд 20 гаруй зорчигч сураггүй болоод байна. Харин аврагчид онгоцны ослоос таван хүн аварсан бөгөөд далайн нөхцөл байдалд эрэн хайх, аврах ажиллагаа хийхэд хүндрэлтэй байгааг эрх баригчид мэдээлжээ.

Ташрамд дурдахад, дэлхийн хамгийн буурай орнуудын нэг болох Африкийн өмнөд хэсэгт оршдог Мозамбикийн далайд өнгөрсөн 2023 оны аравдугаар сараас хойш 32 хүн амиа алдаж, 15 мянган хүн усаар дамждаг өвчинд нэрвэгдээд байгаа аж.