Газын зурваст гал зогсоох асуудлаар Израилын тал, “ХАМАС” бүлэглэлийн төлөөлөгчид Каир хотод хэлэлцээ хийж байгаа. Хэлэлцээг Египет зуучилж байгаа бөгөөд өмнө нь хэд хэдэн удаа хэлэлцсэн ч бүтэлгүйтсэн гал зогсоох хэлэлцээр энэ удаад амжилттай болох магадлалтай талаар зуучилж буй орны талаас мэдэгдсэн. Тэгвэл Израилын талаас Газын зурвасаас цэргүүдээ татаж эхэлсэн талаар мэдээлж эхэлжээ.

                     Тухайлбал, Израилын тал Газын зурвасын өмнөд хэсгийн цэргүүдээ татсан бөгөөд тус хэсэгт Израилын ганц бригад үлдээд байгаа аж. Израил цэргүүдээ Газаас татаж буйг гал зогсоох хэлэлцээ амжилттай болж байгаатай холбон тайлбарлаж байгаа бол зарим хэвлэл дайн дуусах дохио гэхээсээ илүүтэй байлдааны тактик байж болзошгүй хэмээн мэдээлж байна.

Эх сурвалж: BBC