• Өнөөдөр 2024-04-15

Сири дэх Ираны консулын газар бөмбөгдөлтөд өртөж, Иран Израилтай “дайн зарлалаа”

2024-04-02,   213

Палестины хэт даврагч “ХАМАС” бүлэглэлтэй дайтаж буй Израилын байлдааны онгоцууд Сирийн нийслэл Дамаск руу өгсөн агаарын цохилт өгсөн. Гэсэн ч Израилын бөмбөгдөлтөд Дамаск дахь Ираны консулын газар өртсөн бөгөөд Их Британи дахь Сирийн хүний эрхийн байгууллагын мэдээлснээр агаарын цохилтод Ираны консулын газарт байсан 11 хүн амиа алдаад байгаа юм байна. Түүнчлэн нас барагсдын дунд Ираны армийн хоёр өндөр албан тушаалтай генерал байсан бөгөөд Израилын дайралттай холбоотойгоор Ираны талаас “Дипломат хэм хэмжээ, олон улсын гэрээг зөрчсөн" гэж үзжээ. Мөн уг хэрэгтэй холбогдуулан Сири дэх Ираны Элчин сайд Хоссейн Акбари “Израилд ижил хэмжээний, хатуу хариу өгөх болно” гэж мэдэгдсэн талаар “BBC” агентлаг мэдээлжээ.

              Ташрамд дурдахад, Дамаск дахь Ираны консулын газарт амиа алдсан хоёр генерал нь Ираны армийн удирдагчдын нэг Бриг генерал Мохаммад Реза Захеди болон түүний орлогч, генерал Хажи Рахими байсан гэнэ. Мөн Ираны талаас бөмбөгдөлтөд өртсөн консулын газарт Ираны Сири, Ливан дахь Аль-Кудс хүчний жанжин штабын дарга, бригадын генерал Хоссейн Амиролла байсан талаар мэдээлээд байгаа юм.

 

 


Сири дэх Ираны консулын газар бөмбөгдөлтөд өртөж, Иран Израилтай “дайн зарлалаа”
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188