Израилын нийслэл Йерусалим хотын парламентын ордны гадна Ерөнхий сайд Бенжамин Нетаньяхуг огцрохыг шаардсан эсэргүүцлийг жагсаал болж байна. Тухайлбал, Йерусалимд болж буй эсэргүүцлийн жагсаал нь өнгөрсөн аравдугаар сард болсон Палестины хэт даврагч “ХАМАС” бүлэглэлийн халдлагаас хойш анхны жагсаал болж байгаа бөгөөд жагсагчид Ерөнхий сайд Б.Нетаньяхуг огцрохыг шаардаж, өнөөг хүртэл “ХАМАС”-ын барьцаанд байгаа 134 хүнийг суллах тохиролцоо яаралтай хийхийг уриалж байгаа аж. Түүнчлэн өнгөрсөн шөнө Израилын цагдаа хүчний байгууллагынхан жагсагчдыг тараахын тулд усан буугаар шүршиж, өмхий үнэртэй бодис ашигласан талаар олон улсын хэвлэлүүд мэдээлж байна.

Ташрамд дурдахад, жагсагчдын огцрохыг шаардаж байгаа Бенжамин Нетаньяху өдгөө 74 настай бөгөөд Израилын Ерөнхий сайдаар 2022 онд томилогдсон аж.