Хятадын ухаалаг гар утас үйлдвэрлэгч “Xiaomi” компани анхны “SU7” маркийн цахилгаан автомашинаа худалдаан гаргажээ. Тухайлбал, “Xiaomi-SU7” маркийн цахилгаан автомашины 215,900 юань, Max загвар нь 299,900 юанийн үнэтэй худалдаалагдах юм байна. Цахилгаан автомашины нээлтийн арга хэмжээнээс хойш 27 минутын дотор “SU7” автомашины борлуулалт 50 мянгыг давсан бөгөөд цахилгаан автомашины зэх зээлд орж байгаа “Xiaomi” компанийн үйлдвэрлэсэн шинэ автомашин БНХАУ-д төдийгүй Азийн орнуудад өндөр эрэлттэй байхыг зах зээлийн шинжээчид мэдэгджээ.

Ташрамд дурдахад, БНХАУ-д шинэ “SU7” цахилгаан автомашин 215,900 юанийн үнэтэй худалдаалагдаж байгаа бол “Тесла”-гийн “Mark-III” 245,900 юанийн үнэтэй байгаа аж.