Оросын арми Украины нийслэл Киев хот руу нэг шөнийн дотор 31 пуужин харвасан талаар Украины тал мэдээлжээ. Тодруулбал, орон нутгийн цагаар шөнийн 03:00 цагт аюулын дохио дуугарсан бөгөөд эхний пуужингийн дэлбэрэлт 05:00 цагийн орчимд болж, Украины Агаарын цэргийн хүчин дайралтыг зогсоосон байна. Оросын талын харвасан пуужин Киев хотын Шевченковский, Подльский зэрэг дүүрэгт унаж, дэлбэрэлттэй холбоотойгоор гал гарч, орон сууцнуудын цахилгаан тасарсан гэнэ. Мөн дэлбэрэлттэй холбоотойгоор 17 хүн нурангид дарагдаад байгаа юм байна.

Нэг шөнийн дотор 31 пуужин харвасан Оросын талын дайралтын Украины албаныхан дайн эхэлснээс хойших хамгийн том дайралтуудын нэг хэмээн онцолжээ.