Өмнөд Суданд ирэх долоо хоногоос эхлэн 10 гаруй хоногийн хугацаанд агаарын температур 45 хэм хүрч халах төлөвтэй байгааг цаг агаарын байгууллагуудаас мэдээлжээ.

                       Зүүн Африкийн нутагт оршдог тус улсад сүүлийн жилүүдэд мөргөлдөөн гарснаас гадна ган гачиг, үе усны гамшиг зэрэг байгалийн давагдашгүй хүчин зүйл тохиолдох болсон. Өмнөд Суданд халууны улиралд ихэвчлэн цельсийн 40 хэм хүрч халдаг бөгөөд удахгүй 45 хэм хүрч халах нь өнгөрсөн жилүүдэд бүртгэгдсэн хамгийн өндөр хэм болох аж. Түүнчлэн үүнтэй холбоотойгоор тус улсын эрх баригчид сургууль, цэцэрлэгийн үйл ажиллагааг тодорхойгүй хугацаагаар зогсоох шийдвэр гаргаад байгаа бөгөөд иргэдийг аль болох гэрээсээ гарахгүй байх, агааржуулагч суурилуулахыг уриалаад байгаа юм.