Хойд Солонгос өнөөдөр хоёр баллистик пуужин харвасан талаар Японы эргийн хамгаалалтын албанаас мэдээлжээ. Тодруулбал, баллистик пуужингууд 350 км орчим газар нисэж, Японы эргийн орчимд унасан бөгөөд ямар нэгэн ноцтой хохирол учраагүй гэсэн байна. Харин Японы Батлан хамгаалах яамнаас шуурхай баг гаргаж, хяналт, шалгалтын ажил хийх үүрэг өгөөд байгаа аж.

                      Хойд Солонгос хамгийн сүүлд өнгөрсөн нэгдүгээр сарын 14-нд шумбагч онгоцоос далавчит пуужин хөөргөх туршилтынхаа зэрэгцээ баллистик пуужин харвасан. Тухайн үед хэт авианы удирдлагатай, цэнэгтэй хошуутай пуужин хөөргөсөн талаар мэдэгдсэн байдаг. Гэхдээ түүнээс хойш хоёр сар гаруйн хугацаанд пуужин харвах туршилт хийгээгүй Хойд Солонгос гэнэт хоёр ч баллистик пуужин харвасныг гаднын хэвлэлүүд онцлон бичиж байна.