Их Британийн Пилтон хотод ирэх зургадугаар сард болох орчин үеийн хөгжмийн урлагийн Гластонбери фестивальд оролцох уран бүтээлчдийн нэрс зарлагдаж эхэллээ. Цар тахалтай холбоотойгоор цуцлагдаад байсан Гластонбери наадам ирэх зургадугаар сарын 26-30 өдөр буюу таван өдрийн турш зохион байгуулагдахаар болсон талаар тус наадмыг зохион байгуулагч Майкл Эвисс мэдээлсэн байна. Харин энэ удаагийн хөгжмийн наадмыг тэргүүлж, Английн “Coldplay” рок хамтлаг Англи-Албанийн дуучин Дуа Липа, Америкийн дуучин, ая зохиогч SZA нар оролцохоор болсон аж. Түүнчлэн “Гластонбери-2024” фестивальд кантри-поп урсгалын хатан хаан гэгддэг Канадын дуучин, ая зохиогч Шаниа Твейн оролцох гэнэ.

                        Гластонбери фестиваль нь 50 гаруй жилийн түүхтэй Английн төдийгүй дэлхийн хамгийн том хөгжмийн наадмуудын нэг тооцогддог. Тус фестиваль орчин үеийн хөгжмийн урлагийн наадам гэсэн тодотголтой байдаг ч дуу хөгжмөөс гадна бүжиг, хошин шог, театр урлаг, цирк зэрэг урлагийн төрөл багтдагаараа алдартай билээ.

Ирэх зургадугаар сард Их Британийн Пилтон хотод болох ээлжит Гластонбери фестивальд гол тайзан дээр:

• Dua Lipa
• Coldplay
• SZA
• Shania Twain
• LCD Soundsystem
• Little Simz
• Burna Boy
• PJ Harvey
• Cyndi Lauper
• Michael Kiwanuka
• Janelle Monáe
• Seventeen
• Paul Heaton
• Keane
• Paloma Faith
• Olivia Dean
• Ayra Starr нарын уран бүтээлч гарах аж.