Америкийн цом(Copa America) буюу Америк тивийн хөл бөмбөгийн аварга шалгаруулах тэмцээн эхлэхэд 100 хоногийн хугацаа үлдлээ. Уг тивийн аварга шалгаруулах тэмцээн 108 жилийн түүхтэй бөгөөд энэ жил зохион байгуулагдах тэмцээнд нийт 16 улсын шигшээ баг оролцож, тивийн аваргын төлөө өрсөлдөнө. Өмнөх Америкийн цомыг 2022 оны дэлхийн аварга Аргентиний шигшээ баг өргөсөн. Аваргууд энэ жилийн тивийн аваргад хүснэгтийн А хэсгийг тэргүүлж орох бол, B хэсгийг Мексик, С хэсгийг Америк, D хэсгийг өмнөх тивийн аваргын мөнгөн медальт Бразилын шигшээ баг тэргүүлж цомын өрсөлдөх юм.

Америкийн цомын тэмцээн Монголын цагаар ирэх зургадугаар сарын 21-нд Аргентиний шигшээ багийн тоглолтоор эхэлнэ.