Хаитигийн гэмт хэргийн бүлэглэлүүд нийслэл хотынхоо хорих газар руу халдаж, хоригдлуудыг суллажээ. Тодруулбал, нийслэл Порт-о-Пренс хотын төв шорон руу бүлэглэлүүд халдсан бөгөөд орон нутгийн сэтгүүлчийн мэдээлснээр 4000 гаруй хоригдол хорихоос зугтаасан байна. Гэмт хэргийн бүлэглэлүүдийн хорих руу дайрч, сулласан хоригдлуудын дунд 2021 онд Хаитигийн Ерөнхийлөгч агсан Жовенел Мойсыг хөнөөсөн хэрэгт буруутгагдан хоригдож байсан бүлэглэлийн гишүүд ч байсан аж.

                             “BBC” агентлагийн тоон мэдээллийн Хаити Улсад сүүлийн жилүүдэд хүчирхийлэл даамжирч байгаа гэнэ. Одоогоор нийслэл Порт-о-Пренс хотын 80 орчим хувьд зэвсэгт бүлэглэлүүд хяналт тавьж байгаа бөгөөд Ерөнхий сайд Ариэль Хенриг огцруулах зорилготой бүлэглэлүүдийн тоо ч өсөж байгаа юм байна.