Америкийн хувийн компанийн “Одиссей” хөлөг саран дээр газарджээ. Тодруулбал, Америкийн “Intuitive Machines” хувийн компанийн “Одиссей” нэрт сансрын хөлөг өчигдөр орон нутгийн цагаар 18:23 цагт саран дээр амжилттай газардсан байна. “Intuitive Machines” компани болон НАСА-гийн мэдээллээр хөлөгтэй хэсэг хугацаанд холбоо тасарсан ч сансрын хөлөг амжилттай газардсаныг баталсан аж. Одоогийн байдлаар саран дээр газардсан “Одиссей” хөлөг анх зорьсон сарны өмнөд туйлд газардсан эсэх болон бусад асуудлын талаар тодорхой мэдээлэл дэлгээгүй байгаа юм байна.

Ташрамд дурдахад, “Intuitive Machines” компанийн “Одиссей” хөлөг саран дээр газардсан нь 50 жилийн өмнө алдарт “Аполло-11” хөлөг саран дээр газардсанаас хойших анхны америк хөлөг болон анхны хувийн компанийн хөлөг болж байгаа аж.