Америкийн дуучин, ая зохиогч Бейонсе Биллбоардын кантри дууны чартыг тэргүүлсэн анхны өнгөт арьст эмэгтэй уран бүтээлч болжээ. Тодруулбал, энэ онд цацагдсан дуучин Бейонсегийн шинэ уран бүтээл болох “Texas Hold’Em” дуу шилдэг дууны жагсаалтын Биллбоардын жагсаалтын кантри урсгалын чартыг тэргүүлж эхэлсэн байна.

                       Үзэгч, сонсогчдын дунд ковбой урсгал гэдгээрээ танигдсан кантри урсгалаар өнгөт арьст уран бүтээлчид төдийлөн дуу хийдэггүй. Уран бүтээл туурвисан ч олон нийтэд шүүмжлүүлж, багагүй маргаан гардгийг урлаг судлаач, шүүмжлэгчид онцлон бичдэг. Харин энэ удаад бүх цаг үеийн шилдэг гоцлол дуучдын нэг хэмээн алдаршсан Бейонсе кантри урсгалаар уран бүтээл хийсэн нь урлаг судлаачдаас өндөр үнэлгээ авч, Биллбоардын кантри чартыг тэргүүлж байна. Түүнчлэн Бейонсегийн “Texas Hold’Em” дуу дахин хэдэн долоо хоног тус чартыг тэргүүлэхээр ч сайн бүтээл болсныг барууны хэвлэлүүд онцолжээ.