• Өнөөдөр 2024-04-15

Оросын эрх баригчид А.Навальныйгийн цогцсыг нууж байна гэв

2024-02-20,   212

Хүнд дэглэмтэй хорих ангид ял эдэлж байгаад нас барсан Оросын сөрөг хүчний удирдагч Алексей Навальныйгийн цогцсыг эрх баригчид нуун дарагдуулж байж болзошгүй талаар талийгаачийн хэвлэлийн төлөөлөгч мэдэгджээ.

Тухайлбал, есөн жилийн хорих ял сонсож, хүнд дэглэмтэй хорих ангид ял эдэлж байсан Оросын сөрөг хүчний удирдагч Алексей Навальный өнгөрсөн амралтын өдөр амиа алдсан. Холбооны хорих албаны мэдээлснээр А.Навальныйгийн бие гэнэт муудаж, ухаан алдсан бөгөөд цаг гаруйн хугацаанд сэхээн амьдруулах гэж оролдсон ч амьсгал хураасан. Харин талийгаачийн ар гэрийнхэн Холбооны хорих алба үхлийг шалтгааныг буруу мэдээлсэн, эрх баригчид цогцсыг нь ар гэрийнхэнд нь хүлээлгэж өгөлгүй нууж байгаа талаар мэдэгдсэн байна.

Оросын хуульд зааснаар хорих байгууллагад нас барсан ялтны цогцсыг хоёр хоногт багтаан ар гэрийнхэнд нь хүлээлгэж өгдөг журамтай гэнэ. Харин сөрөг хүчний удирдагч А.Навальный нас барснаас хойш дөрвөн өдөр өнгөрч байгаа ч цогцсыг нь ар гэрийнхэнд нь хүлээлгэж өгөөгүй аж. Түүнчлэн талийгаачийн ээж, гэргий болон хэвлэлийн төлөөлөгч нарын хүмүүс цогцос хадгалах байранд очсон ч Алексей Навальныйгийн цогцос байгаа талаар түүний хэвлэлийн төлөөлөгч Кира Ярмыш “Оросын эрх баригчид Навальныйг хөнөөчихөөд ул мөрөө баллахын тулд ар гэрийнхэнд нь цогцсыг хүлээлгэж өгөхгүй байна” гэж мэдэгджээ.

 

 


Оросын эрх баригчид А.Навальныйгийн цогцсыг нууж байна гэв
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188