Чилийн төв хэсэгт оршдог томоохон ойд түймэр гарчээ. Тодруулбал, Вина-дель Мар хотын ойролцоо байдаг ойн захын цэцэрлэгээс гал гарч, ойн түймэр болсон байна. Эрх баригчид түймэр дэгдсэн хот болон ойролцоох хотуудад хөл хорио тогтоогоод байгаа бөгөөд түймрийн улмаас 112 хүн амиа алдсан талаар Чилийн шүүх шинжилгээний албанаас мэдээлжээ. Мөн Вина-дель Мар болон ойролцоо тосгонуудаас 200 гаруй хүн сураггүй болоод байгаа бөгөөд урьдчилсан тооцооллоор 1600 хүн орох оронгүй болоод байгаа аж.

Одоогийн байдлаар түймэр гарсан хот, тосгонуудаас иргэдийг нүүлгэн шилжүүлэх ажилд хууль, хүчний байгууллагын дийлэнх салбарыг дайчлаад байгаа гэнэ.