“ХАМАС” бүлэглэлийн Израилын хотуудад өгсөн гэнэтийн цохилтоос хойш Израилын арми Газын зурвас руу довтолж, дайралтаа идэвхжүүлж байгаа. Тэгвэл өнгөрсөн өдөр Газын зурваст 178 хүн амиа алдаж, Израил довтолж эхэлснээс хойш Газын зурваст амь үрэгдсэн хүний тоо 25 мянгад хүрээд байгаа талаар “ХАМАС” бүлэглэлээс мэдээлжээ. Мөн АНУ-ын Тагнуулын албаны тооцоолсноор Израилын арми “ХАМАС”-ын цэргүүдийн 30 орчим хувийг устгаад байгаа гэнэ.

Харин АНУ-ын талаас Израилтай гал зогсоох гэрээ хийж, “ХАМАС”-тай дайныг зогсоох хэлэлцээрийн ширээний ард суулгахаар идэвхтэй ярьж байгаа ч Ерөнхий сайд Бенжамин Нетаньяху удаа дараа татгалзсан хариу өгөөд байгаа юм байна.