Японы нийслэл Токио хотын Ханеда онгоцны буудалд 379 зорчигчтой агаарын тээврийн онгоц эргийн хамгаалалтын онгоцтой мөргөлдсөн осол гарсан. Ослын улмаас эргийн хамгаалалтын онгоцонд байсан зургаан хүний тав нь амиа алдсан бөгөөд амьд үлдсэн нэг багийн гишүүний биеийн байдал хүнд байгаа. Тэгвэл агаарын хөдөлгөөний удирдлагын төв эргийн хамгаалалтын онгоцонд хөөрөх зөвшөөрөл өгөөгүй байсан талаар албан ёсны мэдэгдэл гаргасан байна.

                   Түүнчлэн эргийн хамгаалалтын онгоц хөөрсөн талаар агаарын хөдөлгөөний удирдлагын төв мэдээгүй байсан бөгөөд “Japan Airlines” компанийн онгоцны нисгэгчид хоёр онгоц мөргөлдөж, гал гарсантай холбоотойгоор нисэх зөвшөөрөл хүсэн холбогдоход нь мэдсэн аж.