БНХАУ-ын хойд хэсгийн Ганьсу, Чинхай мужид өнгөрсөн шөнө 6.2 магнитудын хүчтэй газар хөдөлжээ. “Xinhua”-гийн мэдээллээр Газар хөдлөлтийн улмаас Ганьсу мужид 100, Чинхай мужид 11 хүн амиа алдаад байгаа бөгөөд 400 орчим хүн бэртэж, гэмтсэн байна. Хоёр мужид их хэмжээний барилга, байгууламж, орон сууц нурж, “Дэд бүтэц бүрэн эвдэрсэн” талаар орон нутгийн удирдлагууд мэдэгдээд байгаа аж.

                           Үүнтэй холбоотойгоор БНХАУ-ын дарга Ши Жиньпин эрэн хайх, аврах ажиллагаанд бүрэн хүчээ дайчлахыг уриалаад байгаа бөгөөд аврах ажиллагаанд 4000 орчим цэрэг, цагдаа, гал сөнөөгч илгээж байгаа юм байна. Түүнчлэн гамшгийн голомтод майхан, эвхдэг ор, хөнжил зэрэг нэн шаардлагатай тусламжийн бараа, бүтээгдэхүүн илгээжээ.