Израилын арми өнгөрсөн амралтын өдөр Газын зурвасын хойд хэсэгт орших Жабалиа дүрвэгсдийн хуаранд цохилт өгсний улмаас 90 хүн амиа алдсан талаар “Reuters” агентлаг мэдээлсэн. Тэгвэл үүнтэй холбоотойгоор НҮБ-ын Аюулгүйн зөвлөл дээр Газын зурвас гал зогсоох асуудлаар санал хураасан байна. Санал хураалтад НҮБ-ын Ерөнхий Ассамблейн 193 гишүүн орон оролцсон бөгөөд дийлэнх нь буюу 153 гишүүн орон гал зогсоохыг дэмжсэн санал өгчээ. “The Guardian” агентлагийн мэдээлж буйгаар НҮБ-ын Аюулгүй зөвлөлийн санал хураалт дуусмагц Газын зурвас руу хүмүүнлэгийн тусламж илгээх, гал зогсоох хэлэлцээг идэвхтэй хийж эхлэх юм байна.

                        Ташрамд дурдахад, өнгөрсөн өдөр Жабалиа дүүрэгт өгсөн Израилын армийн цохилтод амиа алдагсдын дунд “ХАМАС”-ын холбоотон Исламын “Жихад” хөдөлгөөний төлөөлөгч Давуд Шехабын хүү байсан талаар “ХАМАС”-аас мэдэгдээд байгаа аж.