Европын холбооны удирдагчид хуралдаж, Украинд 50 тэрбум еврог тусламжийн зорилгоор олгох шийдвэр гаргасан. Тэгвэл Украины хөрш Унгар Улсын Ерөнхий сайд Виктор Орбан өчигдөр Брюссельд болсон хэлэлцээний дараа тусламжийн 50 тэрбум еврод хориг тавихаа мэдэгдэв.

                   ОХУ-тай дайтаж байгаа Украин АНУ, Европын холбооны дэмжлэг, санхүүжилтээс хамааралтай болж байгаа. Өнгөрсөн оны сүүлчээс НАТО, Европын холбоо Украин дахь санхүүжилтээ хэд дахин нэмэгдүүлсэн талаар олон улсын хэвлэлүүд мэдээлж байв. Харин энэ удаагийн Европын холбооны нэмэлт тусламжид Украины хөрш Унгараас хориг тавьж байгаа юм байна. Үүнтэй холбоотойгоор Европын холбооны удирдагчид тусламжийн хэлэлцээрийг 2024 он гарснаас хойш үргэлжлүүлэхээ мэдэгджээ.