БНАСАУ-ын төрийн хэвлэл “KCNA” агентлаг тус улсын “Маллигёнг-1” нэртэй тагнуулын хиймэл дагуул хөөргөж, тойрог зам амжилттай нэвтэрсэн талаар мэдээлжээ.

                          Хиймэл дагуулыг хөөргөх үйл ажиллагаанд Хойд Солонгосын удирдагч Ким Жон Ун өөрийн биеэр оролцсон гэнэ. БНСУ-ын мэдээллээр Хойд Солонгос үүнээс өмнө хоёр ч удаа хиймэл дагуул хөөргөхийг оролдсон амжилтгүй болсон байна. Харин өнгөрсөн есдүгээр сард Хойд Солонгосын удирдагч Ким Жон Ун ОХУ-д айлчлахад Ерөнхийлөгч Владимир Путин сансрын хөтөлбөрөө хэрэгжүүлэхэд туслахаа мэдэгдээд байв. Тэгвэл энэ удаагийн БНАСАУ-ын “Маллигёнг-1” тагнуулын хиймэл дагуулыг Оросоос тусламж авч бүтээж, хөөргөсөн байж болзошгүй гэж үзээд байгаа юм байна.