БНЭУ-ын өмнөд хэсгийн Андхра-Прадеш мужид хоёр суудлын галт тэрэг мөргөлдсөн осол гарчээ. Тодруулбал, өнгөрсөн шөнө Визианагарам хотод болсон ослын улмаас 13 хүн амиа алдаж, 50 гаруй хүн шархдаад байгаа юм байна. Холбогдох албаны шалгалтаар ослыг хүний буруутай үйл ажиллагаанаас үүсэлтэй гэж үзсэн бөгөөд Вишакхапатнам-Паласа чиглэлд зорчиж байсан суудлын галт тэрэгний кабель тасарч зогссон аж. Улмаар тус замаар Висакхапатнам-Раягада чиглэлд явж байсан галт тэрэг ирж, мөргөлдсөн байна. Осолтой холбоотойгоор Энэтхэгийн Ерөнхий сайд Нарендра Моди эмгэнэл илэрхийлж, Төмөр замын асуудал эрхэлсэн сайдыг Ажлын хэсэг байгуулж түргэн шуурхай ажиллахыг үүрэг болгосон гэв.