Колумбийн шигшээ багийн тамирчин, Английн “Премьер лиг”-ийн “Ливерпүүл” багийн хөл бөмбөгч Луис Диазын эцэг, эхийг Колумбид барьцаалсан хэрэг гарчээ. Тодруулбал, Луис Диазын эцэг, эхийг өнгөрсөн өдөр Колумбийн хойд хэсгээс хулгайлсан бөгөөд тусгай албаныхан ээжийг нь аварч чадсан талаар Колумбийн Ерөнхийлөгч Густаво Петро мэдээлсэн байна. Одоогоор хууль, хүчний байгууллагаас нэмэлт хүч гарган “Ливерпүүл”-ийн довтлогч Луис Диазын аавыг эрэн хайх ажиллагааг үргэлжлүүлж байгаа аж.

Эрэн хайх ажиллагааг Колумбийн ерөнхий прокурорын газраас удирдан Ла-Гуажира муж, Барранкас хотоос эхлүүлжээ.

Эх сурвалж: Reuters