“Friends” телевизийн цуврал киноны Чандлер Бингийн дүрээрээ олон сая хүнд танигдсан Америкийн жүжигчин Мэттью Перри 54 насандаа таалал төгсжээ. Эх сурвалжийн мэдээлснээр ар гэрийнхэн нь талийгаач жүжигчний цогцсыг Лос-Анжелес дахь гэрийнх нь ваннаас олсон байна. Урьдчилсан байдлаар Мэттью Перриг живсэн гэж дүгнээд байгаа бөгөөд ямар нэгэн сэтгэцэд нөлөөлөх, мансууруулах төрлийн зүйл хэрэглээгүй байсан аж.

Талийгаачийн жүжигчин Мэттью Перри зургаан найзын түүхийг өгүүлэх “Friends” цувралаараа үзэгчдийн хайр, хүндэтгэлийг хүлээсэн. Уг цуврал 1994-2004 онд олон улсад цацагдсан бөгөөд 2000-аад оны эхээр АНУ дахь хамгийн их үзэгчтэй телевизийн цувралаар шалгарч байжээ.