БНХАУ-ын Төрийн зөвлөлийн Ерөнхий сайд асан Ли Көцян 68 насандаа зүрхний шигдээсийн улмаас нас барсан талаар тус улсын төрийн хэвлэл мэдээлжээ. Ли Көцян Шанхай хотод амарч байсан бөгөөд аравдугаар сарын 26-27-нд шилжих шөнө 00:00 цагийн үед амьсгал хураасан байна.

Тэрээр тэтгэвэртээ гарах хүртлээ Хятадын Коммунист намын хоёр дахь хүчирхэг хүн гэж тооцогддог бөгөөд Ли Көцяныг БНХАУ-ын дарга Ши Жиньпинтэй хамааралгүй цор ганц дээд албан тушаалтан гэж үздэг байв. Ли Көцяныг өнгөрсөн 2022 оны аравдугаар сард болсон Хятадын Коммунист намын Их хурлаар “Тэтгэвэрт гарах нас нь болсон” гэж үзэн Улс төрийн байнгын хорооноос хасаад байсан юм.