Израилын тал өнгөрсөн шөнө агаараас Газын эмнэлэгт цохилт өгсний улмаас 500 гаруй хүн амиа алдаад байгааг олон улсын хэвлэл, хүний эрхийн байгууллагууд мэдээллээ.

                            Тодруулбал, Газа хотдоо томоохонд тооцогддог эмнэлэгт дэлбэрэлт болсны улмаас олон зуун хүн амь үрэгдээд байгаа бөгөөд холбогдох албанаас 500 гаруй хүний цогцсыг гаргаж авсан байна. Нас барагсдын цогцсыг зөөх, сураггүй бологсдыг хайх ажиллагаа үргэлжилж байгаа бөгөөд агаарын цохилтын улмаас амиа алдсан хүний тоо нэмэгдэж болзошгүй байгаа гэнэ. Израилын Газын эмнэлэг рүү халдсан цохилтоос хойш хэдхэн цаг өнгөрөөд байгаа ч хэдийнэ 600 мянга гаруй хүн Газын зурвасын хойд хэсгээс өмнөд хэсэг рүү дүрвээд байгаа юм байна.

Мөн Палестин, Израилын мөргөлдөөнтэй холбоотойгоор АНУ-ын Ерөнхийлөгч Жо Байден Израилд айлчлахаа мэдэгдээд байгаа. Тэгвэл тус айлчлалтай холбоотойгоор АНУ-ын Ерөнхийлөгчийн Иорданд Арабын удирдагчидтай хийх байсан уулзалт цуцлагджээ.