Израилын өмнөд нутгийн Суккот наадамтай зэрэгцэж болдог Супернова нэртэй хөгжмийн фестиваль өнгөрсөн амралтын өдөр болжээ. Гэсэн ч хөгжмийн фестивалийн үеэр Палестины “ХАМАС” террорист байгууллага гэнэтийн дайралт өгч, наадмын үеэр олон нийт рүү гал нээсэн байна. Израилын “Зака” аврах агентлагийн мэдээлснээр хөгжмийн фестивалийн талбайгаас 260 гаруй цогцос гаргаад байгаа бөгөөд амиа алдагсдын тоо нэмэгдэхийг анхааруулжээ. Хөгжмийн фестивальд оролцсон хүмүүсийн мэдээлснээр наадмын үеэр “ХАМАС”-ын цэргүүд гэнэт дайрч орж ирэн бүх гэрэлтүүлгийг унтрааж, үзэгчид рүү гал нээж эхэлсэн аж.

“ХАМАС” бүлгийн гэнэтийн цохилтын эсрэг Израилын талаас Газын зурвас руу хэд хэдэн хариу довтолгоо хийгээд байгаа бөгөөд Израилын Ерөнхий сайд Бенжамин Нетаньяху “Дайн дөнгөж эхэлж байна” гэж мэдэгдсэн байна.