“Нью-Йорк Таймс” сонин ОХУ Буревестник гэж нэрлээд буй шинэ цөмийн хөдөлгүүрт далавчит пуужин турших гэж байгаа тухай мэдээлэхэд Кремлийн хэвлэлийн төлөөлөгч няцаасан. Тэгвэл өнөөдөр ОХУ-ын Ерөнхийлөгч Владимир Путин “Цөмийн хөдөлгүүрт далавчит пуужингийн эцсийн туршилт амжилттай болсон” тухай мэдэгдэл хийжээ.

                                Цөмийн хөдөлгүүрт далавчит пуужинг ОХУ анх 2018 онд зарласан. Зарласан цагаасаа хойш хэд хэдэн туршилт, харвалт хийсэн ч амжилтгүй болж байсан гэх мэдээлэл байдаг. Тэгвэл шинэ зэвсгийн эцсийн туршилтыг амжилттай болгож, тулааны зориулалтаар ашиглахад болсон талаар ОХУ-ын Ерөнхийлөгч Владимир Путин албан ёсоор мэдээллээ. Харин ОХУ-ын Батлан хамгаалах яамнаас тус зэвсэгтэй холбоотой мэдээлэл хийгээгүй байгаа юм.