АНУ-ын Төв командлалын тэнгисийн цэргийн хүчин өнгөрсөн оны арванхоёрдугаар сард Йемен рүү явж байсан Ираны хөлөг онгоцнуудаас галт зэвсэг, 1.1 сая сум хурааж аваад байсан. Тэгвэл өнгөрсөн өдөр АНУ-ын эрх баригчид хураан авсан сумнуудыг ОХУ-тай дайтаж байгаа Украинд хандивлаж, илгээх шийдвэр гаргаж, өнгөрсөн даваа гарагт Украины талын төлөөлөгчдөд хүлээлгэж өгсөн байна.

                         ОХУ, Украины дайн эхэлснээс хойш Москва АНУ-ыг дайнд гаднаас оролцож, Украины талыг дэмжиж, их хэмжээний зэвсэг, байлдааны дрон Киевт нийлүүлсэн гэж буруутгасан. Тэгвэл өнгөрсөн зургадугаар сараас хойш зэвсгийн нөөц багасаж, сумгүй болж байгаа гэгдээд байсан Украинд АНУ-аас дахин цэргийн дэмжлэг үзүүлж, 1.1 сая сум өгч байгаа юм.