Пакистаны Засгийн газар тус улсад зөвшөөрөлгүй оршин суудаг, орогнол хүссэн Афганистаны 1.7 сая иргэнийг ирэх сар гэхэд улсаасаа гарахыг шаарджээ. Тодруулбал, он гарснаас хойш Афганистантай хиллэдэг Пакистаны хотуудад гарч байгаа хүчирхийлэл эрс нэмэгдсэнтэй холбоотойгоор тус улсын эрх баригчдын зүгээс орогнол хүсэгчдийг улсаасаа гаргах шийдвэр гаргасан байна. Харин Пакистаны эрх баригчдын хийсэн мэдэгдэлтэй холбогдуулан Талибаны Засгийн газар шийдвэрээ эргэн харж, зохистой шийдвэрт хүрэхийг уриалсан мэдээлэл хийжээ.

                                 НҮБ-ын мэдээллээр Пакистанд Афганистаны 1.3 орчим сая хүн дүрвэгчээр бүртгэлтэй байдаг бол шинэ мэдээллээр өөр 880 мянга гаруй хүн Пакистанд зөвшөөрөлгүй, хууль бусаар амьдарч байгаа гэнэ.