FIFA буюу Олон улсын хөл бөмбөгийн холбооноос өнгөрсөн өдөр 2030 оны дэлхийн аварга шалгаруулах тэмцээний талаар мэдээлэл өгчээ. Тухайлбал, 2030 оны дэлхийн аваргыг Испани, Португал, Марокко Улс хамтран зохион байгуулагчаар нэрлэгдсэн бол дэлхийн аваргын эхний тоглолтууд Уругвай, Аргентин, Парагвайд зохион байгуулагдах юм байна. Уг шийдвэрийг ирэх онд болох FIFA-ны их хурлаар батлахаар төлөвлөж байгаа бөгөөд 2030 онд хөл бөмбөгийн дэлхийн аварга шалгаруулах тэмцээний 100 жилийн ой болж байгаа аж.

                                      Ташрамд дурдахад, хөл бөмбөгийн дэлхийн аваргын 100 жилийн ойн дараагийн тэмцээн буюу 2034 онд болох дэлхийн аваргыг Саудын Араб зохион байгуулах эрх аваад байгаа юм.