Энэтхэгийн салан тусгаарлагчдын удирдагч Сикх гэгч Канадын нутаг дэвсгэрт амиа алдсан хэрэг өнгөрсөн сард гарсан. Тодруулбал, салан тусгаарлагчдын удирдагчийг Бритиш Колумб дахь сүмийн гадна баг зүүсэн зэвсэгтэй хүмүүс автомашиндаа суулгаж, буудан хөнөөсөн байдаг. Канадын талаас Энэтхэгийн тусгай албаны ажилтнууд Сикх гэгчийг хөнөөсөн талаар мэдэгдсэн бөгөөд амиа алдсан салан тусгаарлагчдын удирдагч Канадын иргэншилтэй байсан аж. Харин Энэтхэгийн талаас Канадын албаныхны мэдэгдлийг үгүйсгээд байсан юм.

                           Тэгвэл өнгөрсөн өдөр Канадын талаас Энэтхэгт байрлан ажиллаж байгаа 40 орчим дипломат албан төлөөлөгчөө Энэтхэгээс эгүүлэн татах хүсэлт гаргажээ. Албан бичигт дипломат төлөөлөгчдийг энэ сарын 10-наас өмнө эгүүлэн татах хүсэлтэйгээ дэвшүүлсэн бөгөөд Энэтхэгийн тал хуралдаж, хариу өгөхөөр бэлдэж байгааг “Financial Times” сонинд мэдээлсэн байна.