Хөлсний цэргийн “Вагнер” бүлгийн удирдагч агсан Евгений Пригожин өнгөрсөн наймдугаар сарын сүүлчээр ОХУ-ын нутаг дэвсгэрт онгоцтойгоо осолдож, амиа алдсан. Тус ослоос хойш “Вагнер” бүлгийн дараагийн удирдагч хэн болох эсэхэд олон улсын хэвлэлүүд таамаг дэвшүүлж, зарим үед маргаан үүсэж байв. Тэгвэл “Telegraph” сонинд эх сурвалж мэдээлснээр ослын улмаас амиа алдсан өмнөх удирдагч Е.Пригожиний хүү Павел “Вагнер” бүлгийн удирдагч болох аж.

                          Өдгөө 25 настай Павел Пригожин “Вагнер”-ын удирдлагыг авахаар Оросын үндэсний гвардын өндөр албан тушаалтнуудтай уулзсан гэх мэдээлэл байгаа бөгөөд Е.Пригожиний “Вагнер” бүлгийн өмч болон цэргүүд Павелд очно” гэсэн гэрээслэл байгаа гэнэ.