БНАСАУ-ын Ардын дээд хурал өнгөрсөн долоо хоногт их хурлаа хийж, Үндсэн хуульдаа нэмэлт, өөрчлөлт оруулжээ. Ингэхдээ Ардын дээд хурлын 100 хувийн саналаар Үндсэн хуульдаа цөмийн зэвсгийн бодлого нэмсэн байна. Цөмийн зэвсгийн бодлогоо Үндсэн хуульдаа оруулсан талаар Хойд Солонгосын удирдагч Ким Жон Ун “Манай оронд цөмийн статус мөнх оршино” хэмээн орон нутгийн “KCTV” телевизээр мэдэгджээ.

                            Ташрамд дурдахад, Хойд Солонгос анх 2006 онд цөмийн зэвсгийн туршилтаа эхэлж, сүүлийн туршилтаа 2016 оны есдүгээр сард хийсэн. Цөмийн туршилтаа зогсоосон ч тус улс баллистик болон шинэ төрлийн пуужингийн туршилт идэвхтэй явуулж байгаа. Өнгөрсөн 2022 онд БНАСАУ түүхэндээ байгаагүй олон пуужингийн туршилт хийгээд байгаа юм.