Иракийн Ниневе хотод болсон хуримын үеэр гал гарч, 100 гаруй хүн амиа алджээ. Тодруулбал, Ниневе хотын Аль-Хамдания дүүрэгт болсон хуримын үеэр галын наадам хийж, гал алдсанаас осол гарсан байна. Орон нутгийн “Нина” агентлагийн мэдээлснээр галын улмаас 100 гаруй хүн амиа алдсаны дунд хуримаа хийж байсан залуу хосууд багтаж байгаа гэнэ. Мөн ослын улмаас 150 гаруй хүн шархадсан бөгөөд эмнэлгийн байгууллагад хүргээд байгаа юм байна.

Одоогийн байдлаар галыг унтрааж, шалгалтын ажиллагаа явуулж байгаа аж.