Армени, Азербайжаны хилийн заагт оршдог Нагорно-Карабахын нутгийн төлөөх мөргөлдөөн өнгөрсөн долоо хоногт эцэс болж, хоёр тал гал зогсоох шийдвэрт хүрсэн. Тэгвэл гал зогсоох шийдвэрээс хойш Нагорно-Карабахын иргэд Армени руу дүрвэж эхэлсэн талаар “BBC” агентлаг мэдээллээ. 120 мянган хүн амтай Нагорно-Карабахаас одоогийн байдлаар 6500 гаруй хүн Армени руу дүрвээд байгаа бөгөөд Армений Засгийн газраас тулалдааны үед орон гэргүй болсон иргэдийг хүлээн авч, орох орноор хангахаа амласан байна. Харин Нагорно-Карабахын өрсөлдөөнд гал зогсоох шийдвэрт хүрснийг эсэргүүцэж Арменийн иргэд нийслэл Ереван хотод жагсаж байгаа бөгөөд Ерөнхий сайд Никол Пашиняныг огцрохыг шаардаж байгаа аж.