ОХУ, Украины дайнд том нөлөө үзүүлж, Украины армид зэвсэг нийлүүлж байсан Польш нийлүүлэлтээ зогсоохоо мэдэгдлээ. Тухайлбал, хоёр орны дунд үр тариа, ургац хураалттай холбоотой маргаан хурцадмал байдалд хүрээд байгаа бөгөөд Польшийн Ерөнхий сайд Матеуш Моравецки “Украинд зэвсэг нийлүүлэхээсээ илүүтэй дотоодын зэвсэгт хүчнээ чадавжуулж, зэвсэглэхэд анхаарах болсон” талаар мэдээлсэн байна.

                         Польшийн Ерөнхий сайд дээрх шийдвэрийг гаргахаасаа өмнө улсад нь суух Украины Элчин сайдыг дуудаж, албан хэлэлцээ хийсэн гэнэ. Гэсэн ч Украины Ерөнхийлөгч Володимир Зеленскийгийн НҮБ-ын Ерөнхий Ассамблейн чуулганд хэлсэн үгтэй холбоотойгоор үр тарианы импортын асуудал газар авч, Польш Украинд зэвсэг нийлүүлэхээ зогсоохоор болсон шийдвэрээ нийтэд танилцуулсан байна.